Вести

  • |

МИА , 11.06.2010


Слеп патник од Романија „испадна“ од задните тркала на авион што слета во Лондон


Лондон, 10 јуни 2010 (МИА) - Еден 20-годишен Романец, патувајки како слеп патник, „испадна“ од просторот каде се сместени задните тркала на авионите, на пистата кога едно приватно летало слета на лондонскиот аеродром Хитроу, јави дописникот на МИА од Лондон.

Полицијата не го соопшти идентитет на Романецот, кој е уапсен и сослушан. Тој го преживеал летот во такви услови и на тоа место во авионот, само со гребаници и модрици по телото, како и со забележлива хипотермија, откако престојувал во неприкладни услови на температура од минус 41 степен целзиусови.

Авионот што е сопственост на еден шеик од Обединетите Арапски Емирати, долета во Лондон од Виена, празен и без патници. Романецот на виенскиот аеродром ја пресконал оградата, а кога се нашол на пистата се вовлекол во просторот каде се собираат задните тркала додека трае летот, во првиот авион што го забележал и чекал тој да полета, незнаејки каде ќе го одведе. Британската полиција можеше да го обвини за илегален влез во Велика Британија, а имиграцските власти можеа да го депортираат од земјата, но човекот е пуштен и против него ништо нема да се презема, затоа што како Романец, државјанин на земја-членка на ЕУ, тој нема потеба од британска виза.

Полицијта не знаеше да објасн зошто Романецот го презел овој опасен потег, кога виза за престој не му требало ниту во Австрија. Претставник на британските воздухопловни власти изјави дека човекот имал „премногу среќа“ што воопшто е жив, затоа што можело да замрзне или да умре од недостиг на кислород, само доколку авиони летал на поголема височина. ти/сп/16:27

  • CAA
  • |
  • Dame Gruev 1, 1000 Skopje
  • |
  • Phone + 389 2 3114 046
  • |
  • Fax + 389 23 115 708

developed by artistika