Вести

  • |

Скопје, 16.02.2011


Работилница за воздухопловна безбедност и перформанси; Виз ЕР за летови на релација Скопје-Лондон-Скопјe; МАТ ЕАРВЕЈС - Редовен авио превозник на Република Македонија за летната сезона 2011 година


 

Работилница за воздухопловна безбедност и перформанси

Почитувани,

Агенцијата за цивилновоздухопловство, Ве информира дека од 1 до 3 Март, во соработка со Европската комисија ICAO ќе биде домаќин на работилница за воздухопловна безбедност и перформанси. Работилницата е дел од проектот за имплементација на ISIS програмата за имплементација на Единствено европско небо во Југоисточна Европа, поддржана од Европската Унија, која  има за цел, заедно со воздупловните власти во регионот, да ги достигне највисоките стандарди во воздухопловната индустрија.
За регистрација и учество во работилницата сите заинтересирани лица може да се пријават на следната е-маил адреса: iindovska@caa.gov.mk 

 

Виз ЕР за летови на релација Скопје-Лондон-Скопје

Почитувани,

Агенцијата за цивилно воздухопловство на 15 февруари 2011година ја предодобри компанијата Виз ЕР за летови на релација Скопје-Лондон-Скопје. Ваквата одлука на АЦВ е во насока на имплементација на Националната стратегија за развој на воздухопловството во Република Македонија, за привлекување на(low cost) нискобуџетни авиопревозници, со кои, после десетгодишен прекин, конечно ќе се воспостави директна и евтина авио врска со Лондон.
Со влегувањето на авиокомпанијата Виз ЕР на македонскиот авиопазар, пак се отвора можност за зајакнување на добрите туристички и бизнис релации меѓу двете земји. 

 

МАТ ЕАРВЕЈС - Редовен авио превозник на Република Македонија за летната сезона 2011 година

Почитувани,

Агенцијата за цивилно воздухопловство на 14.02.2011 го дезигнираше МАТ ЕАРВЕЈС пред холандските воздухопловни власти како редовен авио превозник на Република Македонија за летната сезона 2011 година, во согласност со Спогодбата за редовен воздушен сообраќај потпишана меѓу Република Македонија и Кралството Холандија. Со оваа дезигнација МАТ ЕАРВЕЈС има право да оперира од Република Македонија до сите аеродорми во Холандија.
Со ова се очекува зголемена фреквенција и редовна директна линија помеѓу Скопје, Охрид и Амстердам што е собено важно за развој на туризмот, бизнис патувањата и посетата на роднините и пријателите а се во насока на јакнење на врските помеѓу двете пријателски држави и понатамошна интеграцијата на Република Македонија во Европската унија.

  • CAA
  • |
  • Dame Gruev 1, 1000 Skopje
  • |
  • Phone + 389 2 3114 046
  • |
  • Fax + 389 23 115 708

developed by artistika