Вечер, 10.04.2010

Италијанскиот авиокопревозник Алиталија со 84,3 отсто летови извршени навреме во јануари, е прва на листата на авикомпаниите во Европа по точност, се вели во извештај на Асоцијацијата на европски авиокомпании. Следува Аустријан ерлајнс и скандинавскиот САС со 82,4 проценти, Ер Малта 79 отсто и ЈАТ со 78,8 проценти. На листата на десетте најточни авиокомпании се и романскиот Таром 78,1 отсто, британскиот БМИ со 78, словенечката Адриа ервејз 77,9 и Исланд ер со 77,8 отсто полетувања навреме. Ер Франс и шпанската Иберија имале 74 отсто полетувања навреме додека Свис ер и Луфтханза 69 отсто односно 67 отсто навремени полетувања.