Алфа ТВ, 20.04.2010

Министрите за транспорт од Европската унија синоќа се договорија од денес да бидат намалени ограничувањата за летови над Европа, кои беа речиси стопирани поради вулканскиoт пепел.

Предвидено е да се намалат зоните кои беа забранети за летови, а авиокомпаниите ќе добијат дозвола да летаат само во оние делови од Европа каде нема големо количество на прав од вулканот. Според планот предложен од Еуроконтрол, небото над Европа од денеска е поделено на три зони. Првата, со густа прашина забранета за летање, втората со мало ниво на прашина, делумно отворена за летови и трета која не е погодена од облакот и во која нема никакви забрани за летање.

Од Еуроконтрол изјавија дека ако работите останат според сегашните пресметки и ако вулканот престане да исфрла пепел, до четврток состојбата би требало да се нормализира. Досегашните загуби поради ограничувањата се проценуваат на повеќе од милијарда евра.