МИА, 17.05.2010

Вулканската прашина од Исланд која продолжува да го попречува авионскиот сообраќај во Европа придонесе за намалување на бројот на меѓународни летови во април за околу четири отсто, соопшти денеска Здружението на меѓународни авиопревозници (ИАТА).

Тие сметаат дека и покрај „вулканската“ криза побарувачката за превоз со авиони постепено се опоравува. ИАТА укажува дека во март оваа година продолжи интезивната побарувачка на билети за бизнис и прва класа благодарение на економското опоравување.

Побарувачката за премиум седишта во март е зголемена за 10,8 отсто во однос на истиот лански период, а превозот во луксузна класа во првото тримесечие се зголеми за 25 отсто во споредба со последните три месеци од 2009 година. Меѓутоа, побарувачката за бизнис и прва класа патувања, најпрофитабилен дел од авионскиот превоз, е се уште 15 отсто под предкризното ниво, предурпедува ИАТА во анализата.