МИА, 28.06.2010

 

Анкара, 28 јуни 2010 (МИА) – Турскиот премиер Реџеп Тајип Ердоган денеска соопшти дека Турција го затворила својот воздушен простор за Израел.

Ердоган рече дека Турција вовела забрана за летови на авиони од Израел, како одговор на израелскиот упад на бродовите со хуманитарна помош за Појасот Газа на 31 мај. Во нападот на израелските командоси на конвојот бродови беа убиени девет турски хуманитарци.

Израел тврди дека неговите војници делувале во самоодбрана. Поради овој инцидент, Турција го повлече амабасадорот од Израел и ја откажа заедничката израелско-турска воена вежба. Официјална Анкара, исто така најави дека ги ги намали воените и трговските врски и дека нема да го врати амбасадорот во Тел Авива, се додека Израел не се извини за нападот. Покрај тоа, Турција бара Израел да ги врати заробените бродови со хуманитарна помош, да се согласи на меѓународна истрага за инцидентот и да исплати отштета за жртвите. сп/9:10