По повод одбележувањето на јубилејот 100 години македонско воздухопловство,  Директорот на Агенцијата за цивилно воздухопловство, д – р Томислав Тунтев, денеска во Скопје, на 8 мина параглајдеристи од земјава им додели Плакети за промоција на македонското воздухопловство во светот.

Честитајќи им на освоеното трето место  во екипна конкуренција на Светското првенство во параглајдерство во Франција, директорот Тунтев на младите ентузијасти, Мартин Јованоски, Дарко Станковски, Александар Гацевски, Ѓорѓи Ристовски, Борјан Јованоски, Александра Уфцеска, Горан Димишковски, и Иван Луканов им се заблагодари за напорите кои како тим ги вложуваат во популаризацијата и промоцијата на македонското воздухопловство низ светот.

Едновремено, и им порача дека, Агенцијата за цивилно воздухопловство, со тимот од воздухопловни експерти, им стои на располагање со стручна, морална и институционална поддршка, при реализација на идни спортски и промотивни воздухопловни активности во земјава и светот. Но, и како што рече, со својата професионалност и стручност, ја гарантира безбедноста и сигурноста на спортските воздухопловни акробации и натпревари, кои се реализраат над македонскиот воздушен простор.

Заблагодарувајќи и се на АЦВ, на поддршката и почитта која ја покажува кон нивните резултативо воздухопловните води, младите параглајдеристи, на средбата во АЦВ, изразија надеж дека, нивните успеси ќе преставуваат поттик повеќе за голем број млади луѓе во земјава, да влезат во светот на воздухопловството и со заеднички сили да креираат историски успеси за македонското параглајдерство, кое ќе го качат на подиумите на голем број Светски првенства.

Заеднички беше констатирана потребата од поголема помош и поддршка во развојот на спортско реакреативни активности во воздухопловството од страна на релевантните државни институции