Високи претставници и овластени инспектори на Администрацијата за обезбедување во транспортот на САД (Transportation Security Administration – TSA) од 15ти до 18ти октомври 2024, реализираа работна средба со директорот, Драги Стојаноски и тим од инспектори за безбедност во цивилното воздухопловство во Агенцијата за цивилно воздухопловство. 

Цел на посетата беше, зајакнување на соработката помеѓу Администрација (TSA) и Агенцијата за цивилно воздухопловство, поддршка во областа на обезбедување во цивилното воздухопловство (aviation security), како за Агенцијата така и за Меѓународниот Аеродром Скопје. 

Во рамки на посетата овластените инспектори на Администрацијата придружувани од нивните колеги од АЦВ, извршија целосна проценка врз спроведување на мерките за обезбедување во цивилното воздухопловство на Меѓународен Аеродром Скопје.

Оваа проценка од страна на Администрацијата (TSA) претставува основа за прифаќање на мерките за обезбедување на меѓународниот аеродром Скопје, при евентуално воведување на директни авиолинии до САД во иднина.