Дневник, 23.03.2010

Во текот на штрајкот на аеродромот „Гетвик“ се реализирани 97 отсто од летовите, а од „Хитроу“, кој е матичен аеродром за авиокомпанијата, остварени се 52 отсто од редот на летањеТридневниот штрајк на помошниот персонал на авионите на најголемата британска воздухопловна компанијата Бритиш ервејс го наруши редот на летањето, посебно од лондонскиот аеродром „Хитроу“, но не го блокира нејзиното работење, како што тоа го сакаа синдикатите, јави дописникот на МИА од Лондон.Претставник на компанијата изјави дека во текот на деновите од викендот на аеродромот „Гетвик“ оваа компанија реализирала 97 отсто од предвидените летови кон и од Лондон, додека од „Хитроу“, кој важи како матична база на авионите на Бритиш ервејс се остварени 52 отсто од нејзиниот ред на летање.Синдикалната унија „Унита“, која е организатор на штрајкот, тврди дека ситуацијата е полоша отколку што ја прикажува компанијата, инсистирајќи дека 140 авиони на Бритиш ервејс останале приземјени на пистите на „Хитроу“.

Својот намален, но одржуван распоред на летови од и кон британскиот главен град компанијата го остварува со помош на отпуштените 1.100 вработени, кои делумно ги заменуваат штрајкувачите.Претставник на синдикатот, пак, тврди дека на повикот на Бритиш ервејз се одзвале само 300 луѓе, што компанијата го демантира. Таа соопшти дека ја има целосната поддршка за оние што се одлучија да работат, а не да штрајкуваат, за да и’ помогнат на компанијата која се соочува подолго време со загуби.

Тридневниот штрајк е организиран откако синдикатот и управата на Бритиш ервејс не се согласија околу замрзнувањето на платите за помошниот персонал за две години и со планот за намалувањето на бројот на екипажите на долгите и интерконтинентални летови за еден човек, за да се намалат трошоците. Синдикатот веќе соопшти дека во сабота ќе штрајкуваат четири денови, а се закани со слични акции и во текот на април, продолжувајќи да ја обвинува управата на Бритиш ервејс дека сака да отвори „војна“ со синдикатите.Опозицијата ја обвинува владата дека стои настрана затоа што синдикатот „Унита“ има донирано 11 милиони фунти за изборната кампања на владејачката Лабуристичка партија. Бизнис-лидерите од Лондон предупредија дека штрајкот му штети на угледот на Бритиш ервејс, на британскиот бизнис, како и на Лондон како финансиски центар.